ទំព័រដើម បច្ចេកវិទ្យា បើធ្វើការម្លឹ...

បើធ្វើការម្លឹងៗកូនចៅណាមិនចង់ធ្វើការឲ្យ! មេធំនៅ SpaceX ម្នាក់បង្ហាញពីមូលហេតុ ដែលលោកចង់ធ្វើការឲ្យ Elon Musk

តាមពិតទៅ ទំរាំមានភាពជោគជ័យមកទល់បច្ចុប្បន្ន មានមនុស្សជាច្រើនបានចាកចោលលោក Elon Musk ដែលភាគច្រើនជាបុគ្គលិក​ធ្វើការនៅ Tesla។ នេះហើយជាមូលហេតុធ្វើឲ្យមហាជនភាគច្រើនតែងតែសួរបុគ្គលិក ដែលធ្វើការឲ្យលោក Elon Musk នៅសឹងគ្រប់ក្រុមហ៊ុនថា តើការដែលធ្វើការឲ្យកំពូលមហាសេដ្ឋីនោះមានរសជាតិជីវិតយ៉ាងម៉េច ទើបមានមនុស្សជាច្រើនបានចាកចេញជាបន្ដបន្តាប់ដូច្នោះ?

បើក្រឡេកទៅមើលពីវប្បធម៌ការងាររបស់មហាសេដ្ឋីរូបនេះ អាចបង្ហាញថា បុគ្គលិកដែលចាកចេញទាំងនោះ ប្រហែលជាមិនអាចទ្រាំនឹងការធ្វើការយ៉ាងខ្លាំងគ្មានពេលសម្រាកស្រួលបួលនោះទេ ព្រោះសូម្បី Elon Musk ជាម្ចាស់ក្រុមហ៊ុននៅតែមានពេលត្រូវដេកក្នុងរោងចក្រជារឿយៗ។

ទាក់ទងនឹងបញ្ហានេះ ស្រាប់តែមានបុគ្គលិកបានធ្វើការជាមួយលោក Elon Musk តាំងពីSpaceXចាប់ផ្ដើមដំបូង ហើយក៏ជាមេធំរបស់ SpaceX តែម្ដង គឺលោកស្រី  Gwynne Shotwell បានធ្វើបង្ហាញពីអារម្មណ៍មួយថាខ្លួនពិតជាចូលចិត្តធ្វើការជាមួយលោក Elon Musk ដោយសារមូលហេតុ​ ៣ យ៉ាងដូចខាងក្រោម៖

១. Elon Musk នឹងធ្វើឲ្យអ្នកស្រលាញ់ការងាររបស់ខ្លួនកាន់តែខ្លាំង

ស្រីខ្លាំងរូបនោះ បានសម្ដែងនូវអារម្មណ៍មួយថា កាលដើមឡើយលោកស្រីមិនសូវចូលចិត្តការងារនោះប៉ុន្មានទេ តែលោក Elon Musk ធ្វើឲ្យលោកស្រី ក៏ដូចជាបុគ្គលិកផ្សេងទៀតឲ្យចាប់ផ្ដើមស្រឡាញ់ការងាររបស់ខ្លួន ព្រោះគាត់មើលទៅហាក់ដូចជាកំប្លែង និងពូកែនៅក្នុងការជំរុញទឹកចិត្តបុគ្គលិកឲ្យធ្វើការណាស់។

២.​ Elon Musk នឹងជួយឲ្យអ្នកបង្កើតនូវមហិច្ឆតាធំ

ជាធម្មតា លោក Elon Musk ជាមនុស្សមួយរូបដែលមានភាពមហិច្ចតាខ្ពស់ ហើយគ្មានអ្វីដែលលោកគិតថាធ្វើមិនបាននោះទេ មិនត្រឹមតែមានមហិច្ចតាចំពោះខ្លួនឯងនោះទេ តែគាត់ក៏ជំរុញឲ្យបុគ្គលិកផ្សេងទៀតមានបង្កើននូវមហិច្ចតាខ្ពស់នៅក្នុងការការធ្វើការផងដែរ។ ដោយក្នុងនោះ Elon Musk តែនិយាយថា ប្រាក់ដែលយើងទទួលបាននោះមិនមែនជារឿងមួយដែលងាយស្រួលនោះទេ ដូចនេះអ្នកត្រូវតែធ្វើការឲ្យខ្លាំង ដើម្បីទទួលបានវា ដែលនេះក៏ជាមូលហេតុដែលកំពូលមនុស្សរូបនេះដាក់សម្ពាធទៅលើបុគ្គលិកឲ្យពួកគេធ្វើការច្រើន និងមានល្បឿនលឿនផងដែរ។

៣. Elon Musk នឹងធ្វើការជាមួយអ្នកតែម្ដង

ដូចដែរបានដឹងមកហើយថា លោក Elon Musk ពិតជាមនុស្សម្នាក់ដែលវក់នឹងការងារខ្លាំងមែនទែន ដែលពេលខ្លះគាត់ត្រូវសម្រាកនៅក្នុងរោងចក្រ ឬកន្លែងធ្វើការតែម្ដង ព្រោះគាត់ចង់បាននូវអ្វីដែលល្អបំផុត។ ដូច្នេះ វាពិបាកណាស់ដែលកូនចៅត្រូវឈប់សម្រាក ព្រោះដរាបណាមេនៅធ្វើការយ៉ាងសកម្មបែបនេះ។

អត្ថបទដោយ៖ ច័ន្ទរស្មី

Elon Musk បង្ហើបថា Bill Gates ធ្លាប់ខាតប្រាក់អស់រាប់ពាន់លានដុល្លារ ដោយសារតែមិនជឿ Tesla

មេធំកាន់កាប់ Neuralink ទម្លាយការពិតមួយរបស់ Elon Musk ដែលបុគ្គលិក ត្រូវប្រយ័ត្ន នៅពេលធ្វើការជាមួយលោកផ្ទាល់

- Advertisment -

ព័ត៌មានថ្មីបំផុត