ទំព័រដើម ព័ត៌មាន អាជីវកម្មខ្នា...

អាជីវកម្មខ្នាតតូចអស់បារម្មណ៍រឿងពិបាកគ្រប់គ្រងសាច់ប្រាក់ហើយ! App មួយបង្កើតដោយខ្មែរ អាចប្រើដើម្បីកត់ត្រាចំណូលចំណាយបាន

ការកត់ត្រាចំណូលចំណាយឲ្យបានត្រឹមត្រូវក្នុងដំណើរការអាជីវកម្ម វាធ្វើឱ្យអ្នកមានភាពងាយស្រួលក្នុងការពិនិត្យឡើងវិញនូវព័ត៌មានហិរញ្ញវត្ថុ និងការចំណាយផ្សេងៗ។ ប្រសិនបើអ្នកកត់ត្រាប្រតិបត្តិការជាប្រចាំ វាដូចជាបានបង្កើតផែនទីមួយដែលជួយបង្ហាញផ្លូវក្នុងការចាត់ចែងហិរញ្ញវត្ថុអាជីវកម្មរបស់អ្នក។

ទន្ទឹមនេះ ដោយមើលឃើញពីការអប់រំ និងចំណេះដឹងផ្នែកហិរញ្ញវត្ថុសម្រាប់អាជីវកម្មខ្នាតតូចនៅមានកម្រិត នាពេលថ្មីៗ នេះ ស៊ី អ៊ិន​វេស​មិន (SHE Investment) ដែលជា​សហគ្រាស​សង្គម​គាំទ្រ​ដល់​សហគ្រិន​ស្ត្រី បានប្រកាស​ដាក់​ឲ្យ​ប្រើប្រាស់​ជា​ផ្លូវការ​នូវ​កម្មវិធី​ទូរស័ព្ទ​កត់ត្រា​រៀល (Kotra Riel)​។

​កត់ត្រា​រៀល (KOTRA Riel) គឺជា​កម្មវិធី​ទូរស័ព្ទ​សម្រាប់​កត់ត្រា​ចំណូល​ចំណាយ​ដែល​ផ្ដោត​សំខាន់​លើ​ភាពសាមញ្ញ តំលៃ​សមរម្យ និង​ភាព​ស្រួល ហើយ​ត្រូវបាន​បង្កើតឡើង​ ជាពិសេស​សម្រាប់​សហគ្រិន​ដែលមាន​អាជីវកម្ម​ខ្នាតតូចតែម្ដង​។​

កម្មវិធីនេះផងដែរ ផ្អែកទៅលើកម្រិតមូលដ្ឋានបំផុតក្នុងផ្នែកគណនេយ្យ ដើម្បីធានាបាននូវសមតុល្យភាពនិងរបាយការណ៍ ត្រឹមត្រូវ លោកអ្នកគ្រាន់តែបញ្ចូលចំណូលចំណាយរបស់អ្នកទាំងអស់ រួចទុកឱ្យកម្មវិធីកត់ត្រារៀលជួយបង្កើតរបាយការណ៍សម្រាប់អ្នកជាការស្រេច។

សូមបញ្ជាក់ សមិទ្ធផល​នេះ​អាច​សម្រេចបាន​ក្រោម​ជំនួយ​របស់ Women MSME FinTech Innovation Fund ដែល​បង្កើត​ដោយ UNCDF, NUESCAP និង​ការគាំទ្រ​ពី សហគ្រិន​ខ្មែរ (Khmer Enterprise)​។​

​សម្រាប់អ្នកចង់ប្រើប្រាស់កម្មវិធីមួយនេះ អាចដោនឡូតបានដោយចូលទៅកាន់ Playstore ឬ Appstore រួចវាយពាក្យថា Kotra Riel ហើយធ្វើការទាញយកតម្លើងជាការស្រេច៕

ដោយ៖ ស្រីពេជ្រ

កំពូលអ្នកលេងសៀកលោក David Blaine បង្ហើបពី “ច្បាប់១ដុល្លារ” ដែលលោកតែងតែប្រើក្នុងការគ្រប់គ្រងការសម្រេចចិត្ត

ក្បួនសន្សំលុយ សម្រាប់អ្នកដែលចង់រកស៊ីនាពេលអនាគត និងធ្វើឲ្យជីវិតគ្មានស្គាល់វិបត្ដិហិរញ្ញវត្ថុ

- Advertisment -

ព័ត៌មានថ្មីបំផុត